Durante as traballos de consolidación e limpeza do castelo, no lienzo de muro entre o baluarte do Couto e a Punta do Diamante, foi descuberta a entrada tapiada dunha das antigas galerías soterradas baixo a fortaleza.
Escavadas na rocha, estas tiñán a función de refuxio e almacén de pertrechos e víveres nos asaltos que puidera sufrir a fortaleza.
Futuros traballos poderán redescubrir todo este complexo de galerías soterradas e facer un mapa actualizado das mesmas. Resulta de gran interese histórico o plano do enxeñeiro de S.M. Antonio Doffus Vélez Dávila do 3 de decembro de 1705 titulado “Planta del Castillo de Vigo que se llama el Castro, como hade estar en estando acavado”. Gardado no Arquivo Histórico Nacional de Madrid, podemos apreciar o deseño dos tres recintos defensivos e o reduto de San Felipe, polo que deducimos que nesta data xa estaban construídos integramente os dous primeiros ao ser idénticos aos actuais conservados. Pero o máis revelador sobre as galerías é que neste plano aparecen debuxadas as portas de acceso –ao estar atravesadas por senderos ou camiños-, e o máis curioso, aparecen tamén debuxadas as minas escavadas baixo terra, con diversos ramais que foron utilizados para refuxio ou enfermería dos feridos no ataque inglés de 1719.
O seguinte vídeo recolle o percorrido polo interior das galerías: